Attitude beta pass sabi…

Ehen, una welcome o! E get one of my paddy dem, me with am don gree sey dis tori, na pidgin I go take yarn am.

For where I from dey collect my daily bread,  when people dey newly comot school, e get one arrangee like dat wey dem dey do, dem dey call am graduate trainee (GT) rotation. Dat na big oyibo, na just to do make dem understand d business well well before dem go post them go where dem go dey work. I don follow many of these GTs waka ehn, e no get wetin I neva see but e be like sey dis tori wey I wan follo una yarn so na the big lesson wey I don learn. Make I carry talk the gist sef.

Na im dem come post one GT come my unit, make e be sey him name na Ejiro. Dis Ejiro ehn, dem sey he know book ehn? Yes na, no be who know book dey make first class? I no even fit argue on top d mata, the boy suppose know book but im character ehn? The thing na wetin I dey call ‘sandpaper attitude’. Chai!!! E be like sey, the only mata wey dey the boy mind as per who im be na sey he get first class for economics. Before you talk one, im done talk ten. As you wan follow am talk, e no dey put mouth for gear, im go don comot yeye from im mouth. You know wetin com happen, see as all the team members comot hand for the boy mata. Like hot rag ehn, nobody even send the boy.

Attitude Beta Pass Skill 1

E be like sey the theory wey him learn for school come make am dey do like sey the oda kind work no get value. But you know as new mama dem dey fine wen dem carry pikin waka, nobody dey see all the dirty work wey dem dey do. When the pikin go shit, piss for dem body, wen dem go suck catarrh comot from nose, baff pickin, fight to feed pikin, dirty all dem body. Nobody deysee all the work, na only the fine ‘turn up’ dem dey see. Na that kin mind dis Ejiro take waka come my ofis. Him no wan do any work at all, and becos im get know know for body, to even ask question wen im no sabi the work na war.

Una know wetin the mata be with dis kind attitude? Nobody go even show the guy anything, cos to teach am, he go vex you ehn. You know as sandpaper dey be? E dey scratch everything wey touch am. Na so dis boy be. If you dress near im side, im oversabi and know know attitude go just vex you, you go tire.

Attitude Beta Pass Skill

The mata be sey that thing wey dem dey call attitude, e get weight pass skill o! E get weight pass knowledge sef. If person dey carry sandpaper attitude dey waka, im road go long…im no go fit gbadunthe small small enjoyment of life. Only you one no fit know everything, if you try close mouth sometimes, open ear, put am for your mind sey oda people sef know something,  you go sabi some things wey you no sabi before. Anoda thing be sey, im attitude come open im yansh sef, so tey all him yama yama character come big well well for everybody eye.  You know sey to get beta character dey coverpersin yeye but persin wey no get good attitude na bad thing o! All the worwor character dem go dey show.

E good make persin dey put demself down, no be sey you no go know who you be but that yeye overconfidence dey cause sandpaper attitude. E go drive people wey fit helep you and you no go learn, plus to progress go hard. No be sey anybody dey jealous your brain power but to dey humble na the korekt way to learn.  Make you try combine beta attitude with intelligence, you go see as road go just dey open for you. E get persin wey talk sey, sometimes na our yeye character na im dey spoil waka for us pass sey opportunity no dey.

As for Ejiro ehn, the boy neva hear word so na to siddon look make life teach am the lesson cos people don yarn full him ear, him know know no let am see road. I hope sey him go hear word before him turn to dry crayfish wey no fit bend.

I don talk finish, beta attitude get weight pass skill.




Share on facebook
Share on twitter
Share on whatsapp

Join The Ride

Subscribe to our fortnightly newsletter with stories from our latest adventures and the best travel tips


    1. You do well Hammed. I hail you too, on top sey you read am, you come even join your mouth put.

  1. Hmmmmmm. Na wa o! Dis tory na very familiar spirit. Make baba God help Ejiro grow up before life teach am strong lessons. Thank you my sister for this beautiful piece. hehe!

    1. Na so o! E dey sweet my belle sey as you read am, e enter your head. AME o! God don dey help Ejiro already, at least e dey learn the lessons quick quick make im for o carry am as he dey gain experience.

  2. Chai @eloxie, there is God O. *ROTFL* @ sucking cartarh This is a wonderful post. I guess ejiro was only trying to impress you that he’s loaded. What he has failed to understand is that, people will find a way to boycott him anytime. Attitude over skills & knowledge everyday. *thumbs up*

    1. thanks Femi. I agree with your comment, hopefully, we will all get the required balance between Knowledge, Skills, Attitude and Habits.

  3. Humility is key. In life and in godliness, It is necessary

    The Ejiro dude seems like the kind of people that don’t learn anything until they have seen things tough.

    Give him a word of warning each time but just watch to see if he listens. ‘You can’t force a donkey to drink’

    1. Humility is very necessary. I couldn’t have said it better. Recently Ejiro got a big warning and I think it finally sunk so we are seeing some fruit of repentance and I am excited for him that he got to learn the lesson very early in his career. God bless you Tessa.

  4. Lol. Eloxie, you never fail to surprise. Not just the title but an entire post in pidgin. Oya chop knuckle.

    True words. It’s always best to let your work speak for itself. Truth is the world changes so fast, just when we think we know something, our knowledge needs to be updated. Be nice to people, whether they’re above or below you. You can only be oversabi for so long. Someone better will come along.

    I recently faced a situation where someone in anger was thrashing me to people. Everyone that reported to me ended with, ‘If it was anyone else, I’d believe; not you.’ This didn’t stem from how ‘smart’ I am. Keeping a positive and helpful attitude even under pressure has built a reputation that I wouldn’t trade for anything else.

    Eloho, you do well for this post. Na God go bless you yafun yafun.

    1. My sista, you do well o! thank you for your comment, it is so apt and appreciated. Thanks for sharing your experience with us, definitely, that reputation was well earned and I am proud of you. God bless you, He go scatter your life with blessing brekete.

    1. Ha Ha Ha, we thank you o! We appreciate all your comments and this one, the longest one yet.

  5. Choi!!! I don tells u before, warfi persen no fit kari last! I too gbadun this post joor! Baba God don bless u brekete! Carry go!!!!!

    1. LOL…na so o! AMEN O! I hail you jare, you do well as you carry mouth join my own on top dis mata. God bless you.

  6. Lool!
    I loved that this was written in pidgin but I loved the message even more.
    The HR lady I work with told me she does not like hiring first class graduates. They usually give her headaches.
    I keep saying it, attitude is everything. No one really cares about how much you know if you have a bad attitude. It just completely defeats your person. I could not have put this better.
    Three gbosa for you my sister! Na better yarns you throway for here o.

    1. Thank you so much dear, being good at anything naturally brings a confidence with it, the key is not to end up being cocky. There is a thin line between confidence and cockiness and then to understand that EVERYONE, from a baby to an old man/woman has something to teach me, that aligns me and helps me adopt a humble and teachable attitude. Thanks so much for being here.

  7. Hmmm, I tire for Ejiro o. I mean, don’t we all know some Ejiro somewhere?

    The thing be say ehn, e get height wey you no go fit pass carrying nose up and down.

    If you like sabi all the book in the world, if your attitude dey smell, nobody go send you o.

    I gbadun this post jare Eloho, no be small work you do.

    Person wey talk say attitude na everything na im finish the whole tory o. With the right attitude, money go come, knowledge go come, evrything go come o.

    Oya, i dey look forward to more surprises from you o.

    And i pray this comment appears o.

    1. My dear, I fully agree with all you have said. Attitude is everything!!! you sef suppose write pidgin post o, cos you try well well on top dis comment wey you write so. Glad to have you here.

  8. Hahaha! I sabi one persin like this Ejiro. All dis know know people ehn! Na only God go helep them.

    1. My sista na true o! Only God fit help kno kno persin dem. The koko be sey all of us fit get area wey our kno kno no get Part 2. If we look well well, na to manage am well make we no be like Ejiro. I hail you o as I see as you waka pass my blog. God go bless you yanfu yanfu.

    1. Thanks…even I learnt from writing it.My posts are double edged, speaking to me as I hope they speak to others. Thanks Uncle Efe.

Leave a comment

Your email address will not be published.

More Adventures


It’s my birthday month and unusually,  just counting down this year was a little tough, especially because a few times in the very recent past,

What are you grateful for?

Continuing with an attitude of thanksgiving from yesterday,  just thinking back on my life’s journey has overwhelmed me with an immense sense of gratitude. I

Join The Ride

Subscribe to our bi-weekly newsletter with stories from our latest adventures and the travel tips

© Stupendous Grace 2023